Па-над шляхам
Автор:
Д. Федорович
Текст:
Па-над шляхам – кнігаўкі з жалем...
Хмары беглі, лiха бажалi,
І гублялі кроплі на лозы –
Гэта слёзы, горкія слёзы.
На зямлі – ахвяры і каты,
І крывёй сплываюць закаты –
Быццам жалю чорныя крылы
Назаўсёды сонца закрылі...
І схіляюць голавы коні.
Пылам села сівым на скронях
Мне журба... Заплюшчаны вочы.
Болю болей сэрца не хоча.
Толькі ён залішыўся чэсным –
Той птушыны плач паднябесны…